"Буни аниқ, соддароқ ва тушунарли қилиб айтишга ижозат беринг",- Байден
АҚШ президенти Жо Байден ўз тарафдорлари билан телеконференция вақтида дебатда Доналд Трампга мағлуб бўлганига қарамай, президентлик сайловида қатнашиш ниятида эканини айтди, дея хабар беради CBS ўз манбасига таяниб.
"Буни аниқ, соддароқ ва тушунарли қилиб айтишга ижозат беринг: мен қатнашаман. Мен Демократик партия номзодиман. Ҳеч ким мени чиқариб юбора олмайди. Мен кетмайман", — дея Байденнинг сўзларини келтирган телеканал суҳбатоши.
Телеконференция чоғида президент дебатда муваффақиятсиз иштирок этганини тан олган, аммо, CBS манбаси қайд этишича, ҳозирда унинг кампанияси рўй берган ҳодиса оқибатларини юмшатишга қаратилган.
Бундан ташқари, АҚШ президенти 3 июл куни демократ губернаторлар билан учрашиб, сайловлардаги иштироки давом этиши борасидаги хавотирларни аритишга уринган. Reuters агентлиги ёзишича, учрашувда қатнашган Ню Йорк, Миннесота ва Мэриленд губернаторлари Байден номзодини қўллашини билдирган.
