Алекс Фергюсон: Роналдо ЖЧ—2026 да иштирок этишини тасаввур қилолмайман

Афсонавий мураббий Алекс Фергюсон Криштиану Роналдунинг ЖЧ—2026 да иштирок этишини тасаввур қила олмаслигини айтиб ўтди.

“Буни тасаввур қила олмайман. Яқин йилларда футбол янада тезкор бўлади. Қолаверса, марказий ҳужумчилар учун жой янада қисқариб боради.

Ёши ўтган сари ҳимоячилардан фарқли равишда, ҳужумчиларда юқори даражада ўйнаш янада қийинлашиб боради.

У энди ҳеч нарсани исботлаши шарт эмас. Бир ёки иккита титул ҳеч нарсани ҳал қилмайди”, — дейди “Манчестер Юнайтед”нинг собиқ мураббийи.

Аввалроқ Роналду ушбу Европа Чемпионати ўзи учун энг сўнггиси эканлигини таъкидлаганди.

Португалия терма жамоаси Евро—2024 чорак финалида Францияга қарши баҳс олиб боради.