General Motors 146 миллион доллар жарима тўлайди
General Motors федерал ҳукуматга қарийб 146 миллион доллар жарима тўлайди. Бунга компаниянинг 5,9 миллионта эски автомобили зарарли чиқиндилар ва ёнилғи тежаш стандартларига мос келмаслиги сабаб бўлди. Бу ҳақда Washington Post хабар берди.
АҚШ Миллий йўл ҳаракати хавфсизлиги бошқармаси баёнотига кўра, 2012 йилдан 2018 йилгача бўлган айрим моделлар федерал ёнилғи тежаш талабларига жавоб бермайди. Жарима Атроф-муҳитни муҳофаза қилиш агентлиги (EPA) GM пикаплари ва спорткарлари ўртача 10 фоиздан кўпроқ карбонат ангидрид чиқаришини аниқлаганидан кейин эълон қилинди.
“GM автомобиллари ойналаридаги стикерларда кўрсатилганидан камида 10 фоизга кўпроқ ёнилғи сарфлайди, аммо компания стикерларда кўрсатилган галлон учун милни камайтиришни талаб қилмаган”, — дейди агентлик.
GM баёнотида ўз автомобиллари ифлосланиш ва ёнилғи сарфи сертификати бўйича барча қоидаларга риоя қилганини айтди. Компания матбуот котиби Билл Гротзнинг айтишича, муаммо EPA 2016 йилда ўрнатган тартиб-қоидаларининг ўзгариши билан боғлиқ.
“Машина эгалари ҳеч қандай чора кўриши шарт эмас, чунки транспорт воситаларида ҳеч қандай нуқсон йўқ”, — деди Гротз.
Ҳавони ортиқча ифлослантирган моделлар қаторига Chevy Tahoe, Cadillac Escalade ва Chevy Silverado кириши маълум қилинган
