Путин: Истанбул келишувлари йўқолгани йўқ

Истанбулдаги музокараларда келишилган Россия Федерацияси ва Украина ўртасидаги келишув лойиҳаси Украина билан кейинги музокара жараёни учун асос бўлиши мумкин. Бу ҳақда пайшанба куни Россия Федерацияси президенти Владимир Путин баёнот берди.

«Бу келишувлар йўқолмади», деди Россия раҳбари ШҲТ йиғилишида сўзлаган нутқида. «Уларни Украина музокаралар делегацияси раҳбари парафлаган, демак, улар Украина учун жуда мос эди.»

«Ушбу келишувлар, Истанбул келишувлари стол устида қолмоқда ва бу музокараларни давом эттириш учун асос бўлиши мумкин», - дея қўшимча қилди Россия раҳбари.