Хитой ҳарбий-ҳаво кучлари самолёти Москвага шубҳали қўнди
29 июнь куни Хитой ҳарбий-ҳаво кучларининг Y-20 ҳарбий-транспорт самолёти Москвага қўнди. Ушбу самолётнинг Россия Федерациясига қўниши ҳақида авиация ҳаракатини кузатувчи интернет порталлари хабар бермоқда.
Ҳарбий юкларни ташишга қодир Хитой ҳарбий самолётларининг пайдо бўлиши Россиянинг Украинага қарши уруши контекстида хавотир уйғотмоқда.
Ушбу самолётнинг Москвага ташрифи мақсади расман эълон қилинмаган.
Ғарб разведка маълумотларига таяниб, бугунги кунда Хитойдан Россия Федерациясига тўғридан-тўғри ҳарбий юк етказилганлигини кўрсатувчи фактлар йўқлигини таъкидлаган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
