Месси ва Роналду фаолиятида илк бор бундай ҳодиса юз берди

Аргентина терма жамоаси ҳужумчиси Лионель Месси Америка кубоги гуруҳ босқичида гол ура олмади. Шунингдек, португалиялик ҳужумчи Криштиану Роналду 2024 йилги Европа чемпионати гуруҳ ўйинларида бирорта ҳам гол ура олмаган.

Қайд этиш жоиз, ҳар икки футболчи ҳам фаолиятида илк бор миллий терма жамоалар мусобақасининг гуруҳ босқичида гол ура олмади. Роналду ва Месси биттадан голли узатмани амалга оширишди.

Аргентина терма жамоаси Америка кубогининг плей-офф босқичига биринчи ўриндан ишонч билан йўл олди. Португалия ҳам ўз навбатида биринчи ўринда Европа чемпионатининг 1/8 финалига йўл олди. Плей-оффнинг биринчи босқичида Роберто Мартинес шогирдлари Словенияга қарши баҳс олиб боради.