Покистон бош вазири Афғонистонни тиклашда кимлар ёрдам беришига умид билдиришини айтди

Покистон бош вазири АҚШ, Хитой ва Россия Афғонистонни тиклашда ёрдам беришига умид қилмоқда. Бу ҳақда Имрон Хон Newsweek нашрига берган интервьюсида айтиб ўтди.

Покистон бош вазири уруш ва можаролар Афғонистон иқтисодиёти, жамияти ва ҳукуматига "ҳалокатли таъсир" кўрсатганини таъкидлади.

"Умид қиламизки, Афғонистондаги вазият инсонпарварлик ёрдами, иқтисодий қўллаб-қувватлаш, коммуникация имкониятлари ва инфратузилма соҳасидаги лойиҳалар туфайли барқарорлашади ҳамда бу ишда АҚШ, Хитой, Россия вазиятни нормаллаштириш, реконструкция қилишга ўз ҳиссаларини қўшади", — деди у.

Бош вазир Толибон ҳукумати ҳали ҳам муваққат эканлигини ва қачонки, бутун мамлакат ҳаракат қўлига ўтсагина ҳақиқий ҳукумат сифатида тан олинишини қўшимча қилди.