Орбан Путин билан муносабатларни сақлаб қолган ягона Европа етакчиси бўлиб қолмоқда
Венгрия бош вазири Виктор Орбаннинг айтишича, унинг Киевга ташрифи Будапештнинг Европа Иттифоқига раислиги билан боғлиқ.
Венгрия 1 июлдан ЕИ кенгашига раислик қилaди.
«Венгрия раислигидан мақсад Европа Иттифоқи олдида турган муаммоларни ҳал қилишга ҳисса қўшишдир. Шунинг учун менинг биринчи сафарим Киевга бўлади», — деди Орбан Фаcэбоокъдаги баёнотида.
Орбан Россия президенти Владимир Путин билан муносабатларни сақлаб қолган ягона Европа етакчиси бўлиб қолмоқда.
У, шунингдек, Украинага ёрдамга қарши чиқди ва яқинда Европа Иттифоқининг Киевга йирик ёрдам пакетини тақдим этиш қарорини блоклади. Евроиттифоқнинг бошқа етакчилари махсус саммитда Орбанга унинг бу борадаги позициясини қабул қилиб бўлмаслигини айтганидан кейингина Венгрия ветосини бекор қилишга рози бўлди.
