Эронда президентликка номзодлар бир-бирини режа ва тажриба йўқлигида айбламоқда
Эронда президентликка номзодлар бир-бирини сайловнинг иккинчи босқичи олдидан режа ва тажриба йўқлигида айбламоқда.
Пезешкиан рақибидан ядровий келишувга эришиш учун қандай режалари борлигини сўраган ва унга Джалили тафсилотга тўхталмасдан, унга «ожизлик эмас, кучлилик жойидан» ёндашишини айтди.
Джалили Пезешкианни мамлакатни бошқариш режаси йўқлигида айблаб, унинг президентлиги нисбатан мўътадил собиқ президент Ҳасан Руҳоний (2013-2021) даврида бўлгани каби, мамлакатни «қолоқликка» олиб боришини айтди.
Руҳоний санкцияларни бекор қилиш эвазига Эроннинг уран бойитишини чеклайдиган ядровий келишув бўйича жаҳон кучлари билан музокаралар олиб борди, бироқ президент Доналд Трамп 2018 йил охирида Эронга нисбатан қаттиқ санкцияларни тиклаб, АҚШни муҳим келишувдан тўсатдан чиқариб юборди.
