Москвадаги аэропорт фарроши бир неча минг долларни ўғирлаб, Ўзбекистонга қочмоқчи бўлди

Шереметово аэропортида фаррош бўлиб ишлаган ҳамюртимиз аэропортдан топиб олган пулини ўзлаштириб юртимизга қочиб келмоқчи бўлгани айтилмоқда.

Назорат камераларидан олинган маълумотларга кўра, аэропорт ходими тозалаш вақтида 3,6 минг доллар пул солинган конвертни топиб олади. Бу маблағ Сеул-Москва-Санкт-Петербург рейси бўйича учган йўловчилардан бирига тегишли бўлган.

Полиция Ўзбекистонга учиб келишга уринган айбдорни ҳибсга олган. Топиб олинган пулларнинг бир қисми айбдорнинг ёнидан топилган, қолган қисми эса квартирадаги қариндошларида экани аниқланган.