Кроос "Реал" билан хайрлашиш олдидан таъсирли пост қолдирди
Германия терма жамоаси ярим ҳимоячиси Тони Кроос "Реал" футболчиси сифатидаги сўнгги куни муносабати билан пост чоп этди. Бугун, 1 июль куни унинг "Қироллик клуби" билан шартномаси расман якунига етди.
"1-расмда 2-расмнинг етишмаётган қисми кўрсатилган! "Реал Мадрид" футболчиси сифатида охирги куним. Мен ўзимни ғалати ҳис қиляпман, лекин мен ҳар доим сизларнинг биринггиз бўламан. Абадий миннатдорман", - деб ёзди 34 ёшли футболчи ўзининг ижтимоий тармоғида кубоклар билан суратни илова қилиб.
Крооснинг сўнгги клуби "Реал Мадрид" бўлиб, у 2014 йилда "Бавария"дан кўчиб ўтган эди. Бу даврда Кроос барча турнирларда 464 та учрашувда қатнашиб, 28 та гол ва 98 та голли узатмани амалга оширди. "Лос-Бланкос" таркибида футболчи тўрт марта Чемпионлар лигасида ғолиб чиқди, тўрт марта Испания чемпиони унвонини қўлга киритди ва тўрт марта Европа Суперкубогини қўлга киритди.
