Пентагон 226 миллион долларга ATACMS ишлаб чиқариш бўйича шартнома имзолади

АҚШ Мудофаа вазирлиги Американинг Lockheed Martin компанияси билан ATACMS тактик ракеталарини ишлаб чиқариш бўйича шартнома тузди.

Бу ҳақда Пентагон баёнотида айтилади.

«Техас штатининг Гранд-Прейри шаҳрида жойлашган Lockheed Martin компанияси армиянинг тактик ракета тизими (ATACMS ) бошқариладиган ракеталарини харид қилиш учун 226 850 900 доллар миқдоридаги гибрид шартнома билан тақдирланди», — дейилади матнда.

Қайд этилишича, ракеталар Польша, Эстония, Латвия, Литва ва Марокашга етказиб бериш учун ишлаб чиқарилади.

Шартнома бўйича ишлар 2028 йил 30 декабргача якунланиши кутилмоқда.