Ўзбекистоннинг МДҲ мамлакатлари билан ташқи савдо айланмаси 5 ойда 8,8 млрд долларга етди

Иқтисод / Биласизми? / Юртимизда
A A A
Ўзбекистоннинг МДҲ мамлакатлари билан ташқи савдо айланмаси 5 ойда 8,8 млрд долларга етди

МДҲ мамлакатлари билан савдо айланмасида энг кўп улушлар Россия, Қозоғистон, Туркманистон ва Қирғизистон ҳиссасига тўғри келмоқда.

“Иқтисодий шарҳ” журнали Ўзбекистоннинг 2024 йил январ-май ойларида МДҲ мамлакатлари билан савдоси айланмасини таҳлил қилди.

Қайд этилишича, жорий йилнинг январ-май ойларида Ўзбекистоннинг МДҲ мамлакатлари билан ташқи савдо айланмаси 4,9 фоизга ўсиб, 8,8 млрд АҚШ долларини ташкил этган: 3,1 млрд доллари экспорт, 5,7 млрд доллари импорт. Ушбу даврда Ўзбекистон ташқи савдо айланмасининг 32,9 фоизи МДҲ мамлакатлари ҳиссасига тўғри келган.

Ўзбекистоннинг МДҲ мамлакатлари билан савдо айланмасида энг кўп улуш – 4 млрд 782 млн доллари ёки 55 фоизи Россияга тўғри келмоқда. Ушбу сумманинг 1 млрд 354,3 млн доллар қисми экспорт, 3 млрд 427,7 млн доллар қисми импорт ҳисобланади.

Бу борадаги юқори бешликни 1 млрд 581,6 млн доллар билан Қозоғистон, 455,5 млн доллар билан Туркманистон, 294,3 млн доллар билан Қирғизистон ҳамда 265,2 млн доллар билан Белорус давлати якунлаган.

Киритилди: 09:23 03.07.2024. Ўқилди: 446 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!