Жанубий Корея 18 миллиард долларлик кичик бизнесни қўллаб-қувватлаш дастурини эълон қилди
Жанубий Корея президенти Юн Сек Ёл кичик тадбиркорларга умумий қиймати 25 триллион вон (18 миллиард доллар) бўлган ёрдам дастурини жорий этишни буюрди.
Бу ҳақда Yonhap ахборот агентлиги хабар берди.
«Микробизнес эгалари COVID-19 пандемиясидан энг кўп зарар кўрди ва ҳали ҳам курашмоқда. Бизнинг режамиз популистик нақд пул тарқатиш ўрнига, таркибий ислоҳотларни амалга оширишда қўллаб-қувватлашга жуда муҳтож бўлган кичик тадбиркорларга жиддий, пухта ишлаб чиқилган ёрдам кўрсатишни назарда тутади», — дея президентнинг Сеулда мамлакатнинг иккинчи ярмидаги иқтисодий сиёсатини муҳокама қилиш бўйича йиғилишда сўзларидан иқтибос келтиради агентлик.
Дастурда, хусусан, кичик корхоналарнинг пандемия даврида юзага келган қарзларини реструктуризация қилиш, коммунал тўловларни тўлаш учун субсидиялар, шунингдек, кичик бизнес субъектларига биноларни имтиёзли шартларда ижарага берган мулк эгаларига солиқ имтиёзлари бериш кўзда тутилган.
