Францияда кекса одам ҳашаротни ўлдираман деб уйини портлатиб юборди

Францияда кекса одам ҳашаротни ўлдирмоқчи бўлганида уйини тасодифан портлатиб юборди. Бу ҳақда "Миррор" ёзмоқда.

Тахминан 80 ёшга кирган одам тушлик қилмоқчи бўлганида, ҳашаротни кўради. Кейин у электр чивин ўлдиргични олиб, ҳашаротни ўлдирмоқчи бўлди. Aммо унинг уйидаги газ баллонидан газ сизиб чиқаётган бўлган. Натижада пашша ўлдиргичдан чиққан учқун туфайли уй портлаб кетган. Оқибатда ошхона ва уйнинг том қисми вайронага айланган. Эркак қочиб қутулган ва куйиш жароҳатлари билан касалхонага етказилган.