Xonanda MakSim klinik o‘lim paytida nimalarni ko‘rganini aytib berdi (VIDEO)
Rossiyalik qo‘shiqchi, 38 yoshli MakSim (Marina Abrosimova) jurnalist Kseniya Sobchak bilan suhbatda klinik o‘limi paytida boshqa dunyoviy haqiqatga tushib qolganini aytdi.
Xonandaning so‘zlariga ko‘ra, o‘lim inson mavjudligining oxirgi nuqtasi emas va tobut yopilganida "hamma narsa endigina boshlanadi".
"Men komada bo‘lganimda, o‘zimni butunlay boshqacha voqelikda ko‘rdim va angladimki, biz bu yerda yashayotgan hayot haqiqatdan ham kamroq", - deydi qo‘shiqchi.
"Bu tushga o‘xshamaydi. Men o‘zimni uchib ketayotgandek, juda yaxshi his qilardim, qandaydir quyosh botishi, qandaydir iliqlik va iqrorim. Men: "Men o‘laman", dedim. O‘zimni yaxshi his qildim, sababini bilmayman. Kasalxonaga borganimda ular meni tezda davolaydi, hammasi yaxshi bo‘ladi, deb o‘ylagandim. Klinik o‘lim holatiga tushganimda esa g‘alati kabinaga tusha boshladim, u yerda qish edi. Keyin mening orqamdan ba’zi odamlar keldi, biz ko‘tarila boshladik. O‘zimga kelganimda shifokorlar yuragim ikki marta to‘xtaganini aytishdi", dedi MakSim.
Xonandaning aytishicha, kasallikdan keyin u oddiy narsalardan ham baxtni his qiladi. U davolanish paytida kovidga chalingan bemorlarda tez-tez uchraydigan ruhiy tushkunlik unda kuzatilmaganini aytdi.
Eslatib o‘tamiz, 14 iyunda MakSim koronavirus alomatlari bilan kasalxonaga yotqizilgandi — uning isitmasi, og‘ir yo‘tal, holsizlik va o‘pkaning 40% shikastlanishi bor edi.
Qo‘shiqchi bir yarim oyni maxsus uskunaga ulangan holda klinik o‘lim holatida o‘tkazdi. U 13 avgust kuni kasalxonadan chiqdi.
