Xitoy Abu-Dabi yaqinida yashirincha harbiy inshoot qurgan - Amerika razvedkasi

Xitoy BAA poytaxti Abu-Dabi yaqinida yashirincha harbiy inshoot qurganligiga Amerika razvedkasi amin bo‘lgan, deb yozmoqda WSJ manbalarga tayanib.

Taxminan bir yil oldin AQSh rasmiylari Abu-Dabi yaqinidagi Xalifa portida "Xitoyning shubhali faoliyati" haqida razvedka olishni boshlagan.

Nashr manbalarining ta’kidlashicha, joriy yilning bahorida sun’iy yo‘ldoshdan olingan mahfiy suratlar Amerika rasmiylariga Xitoy portda harbiy ob’ekt qurmoqda degan xulosaga kelishga imkon bergan. Shundan so‘ng Amerika BAAni bu qurilishni to‘xtatishga ko‘ndirgan.