"Uzbekistan Airways" Londonga aviaqatnovlar sonini oshirmoqda

"Uzbekistan Airways" aviakompaniyasi Toshkent-London-Toshkent yo‘nalishi bo‘yicha aviaqatnovlar soni oshirilganini ma’lum qildi.

Hozirda Buyuk Britaniya poytaxtiga qatnovlar haftada 2 marta – seshanba va juma kunlari amalga oshirilayotgan edi. Kompaniya joriy yilning 21 avgustdan ushbu xalqaro yo‘nalishda yakshanba kunlari qo‘shimcha qatnovlarni yo‘lga qo‘yadi.

Aviachiptalarni www.uzairways.com rasmiy saytida 3% chegirma bilan, "Uzbekistan Airways Sales" filialida va aviakompaniya agentlaridan xarid qilishingiz mumkin.