Toshkentda 36 yoshli ayol o‘zidan kichik erkakni qo‘rqitib kelgani aniqlandi

Sergeli tumani ichki ishlar organlariga 31 yoshli Saydilla A. murojaat qilib, undan tovlamachilik yo‘li bilan 300.000 so‘m olmoqchi bo‘lgan 36 yoshli E’zoza G.ga nisbatan chora ko‘rishni so‘radi. Aks holda ayol shaxsiy xarakterga ega videoni tarqatish bilan qo‘rqitgan.

Toshkent shahar IIBBning yozishicha, 14 sentyabr kuni soat 17.30 da E’zoza pul olish vaqtida jinoyat qidiruv xodimlari tomonidan qo‘lga olindi.

Mazkur fakt asosida O‘zbekiston Respublikasi Jinoyat kodeksining 165 moddasi (“Tovlamachilik”) bo‘yicha jinoiy ish qo‘zg‘atildi.