Britaniya va Avstriya Rossiyaga qarshi yangi sanksiyalar imkoniyatini muhokama qildi
Buyuk Britaniya va Avstriya Ukrainadagi vaziyat tufayli Rossiyaga nisbatan sanksiyalar bosimini oshirish yo‘llarini muhokama qilmoqda. Bu haqda Buyuk Britaniya bosh vaziri Rishi Sunak avstriyalik hamkasbi Karl Nexammer bilan Venada bo‘lib o‘tgan qo‘shma matbuot anjumanida ma’lum qildi.
«Rossiya harbiy mashinasi zarur [moliyaviy] yordamni olmasligini ta’minlash uchun iqtisodiy jabhada birgalikda yana nima qilishimiz mumkinligini muhokama qildik», dedi u. Konferensiya Sky News tomonidan translyasiya qilindi .
Sunak u qanday aniq choralar haqida gapirayotganiga aniqlik kiritmadi, biroq avvalroq Britaniya OAVlari Avstriyaning Raiffeisen Bank International AG bank guruhining Rossiya Federasiyasidagi ishini davom ettirishdan London mamnun emasligini ta’kidlagan edi.
Bundan tashqari, Buyuk Britaniya hukumati rahbari tomonlar noqonuniy migrasiyaga qarshi kurashish bo‘yicha hamkorlikni kuchaytirishdan manfaatdor ekanini aytdi.
