Turkiyalik mutaxassis Erondagi vertolyot halokatining e’tibordan chetda qolgan jihatlariga to‘xtaldi

Turkiyalik mutaxassis Ilyos Bozkurt «Haber Global» telekanali studiyasida Eron Prezidenti Ibrohim Raisiyni olib ketayotgan vertolyotning halokatga uchrashi bilan bog‘liq e’tibordan chetda qolgan jihatlarga to‘xtaldi.

«Report»ning xabar berishicha, birinchi e’tiborga molik jihat Eron davlat rahbarini olib yurish uchun mo‘ljallangan vertolyotning ishlab chiqarilgan sanasidir. Boshqa tomondan, uchuvchi tumanli havoda safarini kechiktirishga majbur edi.

“Sayohat rejasi oldindan tayyorlanadi. Agar ob-havoda biron bir o‘zgarish bo‘lsa, tegishli idoraga xabar qilinadi. "Bell 412" vertolyotlari 1979 yil uchun zamonaviy, ammo 2024 yil uchun juda eski", dedi u.

Mutaxassisning fikricha, vertolyot hech qanday to‘siq bilan to‘qnashmagan: «Vertolyot yerga qulab tushgan. Va yerga urilgandan keyin u yonib keta boshlagan. Agar u raketa bilan urilganida, bu butunlay boshqacha manzara bo‘lardi».