Tanishing! Dunyoda eng qimmat pulli yo‘llar reytingi
Avstraliyaning Budget Direct sug‘urta kompaniyasi dunyodagi eng qimmat pulli yo‘llar reytingini e’lon qildi.
Reytingga ko‘ra, dunyoda eng qimmat pulli yo‘l AQShdagi Pensilvaniya magistrali (I-76, Interstate 76) hisoblanadi.
Qayd etilishicha, Pensilvaniya magistralida yo‘l yurish narxi 112,91 dollarni tashkil etadi. Magistral uzunligi 580 kilometrga teng bo‘lib, u Pensilvaniya shtatini kesib o‘tadi.
Avstriyadagi Grossglokner yo‘li eng qimmat pulli yo‘llar ro‘yxatida ikkinchi o‘ringa joylashdi – yo‘l haqi 45 dollar.
Pulli yo‘llarning o‘rtacha narxi bo‘yicha mamlakatlar ro‘yxatini esa Shveysariya boshqarmoqda - 26,5 dollar.
Ikkinchi o‘rinda Avstriya - 16,29 dollar, uchinchi o‘rinda esa Farer orollari joylashdi - 16,28 dollar.