Rossiyadagi o‘zbekistonliklarni qaytarish uchun 2 ta maxsus poyezd reysi qo‘yildi
Pandemiya davrida Rossiya davlatida qolib ketgan o‘zbekistonliklarni mamlakatga olib kelish maqsadida «O‘zbekiston temir yo‘llari» AJ tomonidan Moskva-Toshkent yo‘lovchi poyezdining maxsus reysi yo‘lga qo‘yildi.
Mazkur poyezd 28 iyun kuni Moskva Kazanskiy-Toshkent yo‘nalishida harakatini amalga oshiradi. Poyezd Moskvadan soat 22:28 da jo‘naydi.
Shuningdek, 25 iyun kuni Voljskiy-Toshkent yo‘nalishida ham 1 ta maxsus poyezd qatnovi amalga oshiriladi. Poyezd Voljskiy vokzalidan soat 20:57 da jo‘naydi.
Ushbu poyezdlarga faqat bir tomonga, ya’ni Moskva-Toshkent hamda Voljskiy-Toshkent yo‘nalishlariga chiptalar sotiladi. Yo‘lovchilar yoki ularning yaqinlari YE-ticket.railway.uz (http://xn---ticket-6gg.railway.uz) sayti orqali chiptalarni elektron tarzda xarid qilishlari mumkin.
Qo‘shimcha ma’lumotlarni Toshkent shahrida 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olish mumkin.