Qozog‘istonda davlat xizmatchilariga sovg‘a berish qat’iy taqiqlandi

Qozog‘istonda davlat xizmatchilariga sovg‘a berish butunlay taqiqlandi. Mamlakatda bunga doir yangi qonun qabul qilindi.

Mazkur hujjat tezkor-qidiruv faoliyatini yoki sudgacha tergov olib boruvchi mansabdor shaxslarning ba’zi xatti-harakatlariga qat’iy javobgarlik o‘rnatishni nazarda tutadi.

Qonunga ko‘ra, davlat xizmatchilari tomonidan qilgan xatti-harakatlari uchun sovg‘alar, moddiy mukofotlar olish butunlay taqiqlandi.

Shuningdek, Qonunda bir tashkilotda qarindoshlarning birgalikdagi faoliyati, korrupsiyaga oid huquqbuzarliklar to‘g‘risida ma’lumot berish, korrupsiyaga qarshi xizmat xodimlari uchun uy-joy to‘lovlari kabi masalalar yechimi ham o‘z aksini topgan.