Putin kim prezident bo‘lishi mumkinligi haqida gapirdi

Rossiya prezidenti Vladimir Putin Yaroslavldagi “ProYEKTOriYA” Butunrossiya forumidagi ochiq darsi vaqtida prezident bo‘lish uchun qaysi kasb egasi bo‘lish kerakligi haqida gapirdi, deb xabar qildi RIA Novosti.

Rossiya rahbari so‘zlariga ko‘ra, har qanday kasb egasi prezident bo‘lishi mumkin. Biroq, muhimi, buning uchun butun umrini baxshida qilishga tayyor bo‘lishi kerak.

Asosan, yuridik yoki iqtisodiy bilimlarga ega bo‘lgan, jamiyat va odamlar o‘rtasidagi muloqot qonunlarini yaxshi bilgan insonlar davlat va hukumat rahbari bo‘lishadi.

“Lekin asosiysi bu emas – umuman, asosiysi boshqa narsa. Inson shunga o‘xshash kasbni tanlayotganda, u o‘zi uchun asosiy vazifani belgilab olishi kerak – umrini yoki hayotining katta qismini tanlagan ishiga butunlay bag‘ishlashga tayyormi. Butunlay”, – dedi Putin.

Bundan tashqari, Putin so‘zlariga ko‘ra, prezident shifokorlarning «Ziyon yetkazma» qoidasi asosida faoliyat olib borishi kerak. Shuningdek, albatta, vijdonli inson ham bo‘lishi kerak.

Manba: asr. uz