Propiska qiladigan tashkilotlar soni yana bittaga ko‘payadi

«O‘zagrokimyohimoya» aksiyadorlik jamiyatiga o‘z rahbarlari va xodimlarini Toshkent hamda Toshkent viloyatida doimiy propiska qilish bo‘yicha iltimosnoma kiritish huquqi berildi. Bu haqdagi qaror loyihasi normativ huquqiy hujjatlar portaliga joylashtirildi.

Rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat hokimiyati organlari, davlat va xo‘jalik boshqaruvi organlari, respublika ahamiyatiga molik boshqa davlat tashkilotlari ro‘yxatidagi tashkilotlar soni 65 taga yetadi.