Nahotki! Arktika muzliklari butunlay erib ketish arafasida...

Iqlimshunos olimlar 2035 yilga borib, Arktika (Shimoliy muz okeani ham shuning ichida) muzliklari butunlay erib ketishidan ogohlantirmoqda.

Sayyoramiz shimoliy qismining Yerda oxirgi marta global isish yuz bergan 125 ming avvalgi holati bilan solishtiruvlar shundan dalolat bermoqda, deydi «ekolog.uz».

«Global isish ta’sirida Arktika jiddiy o‘zgarishlarni boshdan o‘tkazayotganidan xabardormiz.

Atigi 15 yildan so‘ng, 2035 yilda Arktika muzliklari tamomila tugashi ehtimolining o‘ziyoq insoniyatni, fursatni boy bermay, global isishga qarshi faolroq kurashga undashi shart», — dedi maqola mualliflaridan biri, britaniyalik paleoklimatolog.