Musulmonlarni yomonotliq qilmoqchi bo‘lgan erkakka qanday jazo berildi?

Chexiyada musulmonlarni yomon ko‘rsatish maqsadida jihodchilarning terakti taqlidini qilgan shaxs ustidan hukm o‘qildi.

Radio.cz xabariga ko‘ra, sud 71 yoshli Yaromir Baldani 4 yilga ozodlikdan mahrum etish haqida qaror chiqargan.

Balda 2017 yilda kesilgan daraxtlarni Praga shimolidagi temir yo‘lga tashlagan, oqibatda ikkita poyezd izdan chiqib ketgan. Hodisada hech kimga zarar yetmagan. Temir yo‘lda Allohu akbar deb yozilgan varaqalar topilgan. Varaqalarni Balda atayin tashlab ketgani aniqlandi.

Shundan keyin qo‘lga olingan Yaromir Balda mazkur hodisani islomof bo‘lgani tufayli sodir etganini tan oldi.