Mirobodda ekskavator haydovchisi daraxtni tagi bilan qo‘porib oldi
![Mirobodda ekskavator haydovchisi daraxtni tagi bilan qo‘porib oldi Mirobodda ekskavator haydovchisi daraxtni tagi bilan qo‘porib oldi](/photos/news/Llr9cqxd1HCGlby.jpeg)
Shu yilning 14 iyul kuni Mirobod tumanida sobiq "Buxoro" kafesi hududida 1 tup zarang daraxti qo‘porib tashlandi.
Bu haqda Mirobod tuman hokimligi axborot xizmati xabar berdi.
Qayd etilishicha holat yuzasidan Mirobod tumani ekologiya bo‘limi tomonidan o‘rganilganda Avliyo-ota ko‘chasi 124 uy oldida qurilish ishlari davomida hududdagi tuproqlarni olib chiqish vaqtida ekskavator haydovchisi B.B.ning ehtiyotsizligi oqibatida 1 tup zarang daraxtiga shikast yetkazilgan.
Shikastlangan daraxt avariya holatiga kelib qolgan va haydovchi daraxtni tagi bilan qo‘porib tashlagan.
Hozirda holat yuzasidan huquqbuzar B.B.ga nisbatan O‘zbekiston Respublikasi MJtKning 79 moddasi 1 qismi bilan 28 390 000 so‘m miqdorda jarima qo‘llanildi.