NATO Germaniyadagi Gaylenkirxen aviabazasida xavfsizlikni kuchaytirdi
![NATO Germaniyadagi Gaylenkirxen aviabazasida xavfsizlikni kuchaytirdi NATO Germaniyadagi Gaylenkirxen aviabazasida xavfsizlikni kuchaytirdi](/photos/news/4VDn8GATpzPr5Fa.jpeg)
Germaniya g‘arbidagi Gaylenkirxendagi NATO havo bazasida ehtimoliy tahdid tufayli xavfsizlik choralari kuchaytirildi. Bu haqda Germaniyaning Zeit gazetasi baza vakiliga tayanib xabar berdi.
Ehtiyot chorasi sifatida, muhim operasiyalarda ishtirok etmagan xodimlar uylariga jo‘natildi. Razvedkadan tahdid ehtimoli haqida ma’lumot olingan, tafsilotlar keltirilmagan.
"Bu tashvishga sabab emas, shunchaki muhim operasiyalarimizni davom ettirishimiz uchun ehtiyot chorasi", dedi havo bazasi vakili.
Gaylenkirxen Niderlandiya bilan chegara yaqinida joylashgan. Awacs erta ogohlantirish tizimi bilan jihozlangan NATO samolyotlari shahar aerodromida joylashgan.
14 avgust kuni Germaniya Kyoln tumanlaridan biridagi Bundesver kazarmasida ehtimoliy qo‘poruvchilikni tekshirayotgani ma’lum bo‘ldi. Sabotaj Kyoln aeroporti yaqinidagi ob’ektda sodir bo‘lishi mumkin edi, u yerda 4,3 ming harbiy xizmatchi va 1,2 ming tinch aholi xizmat qiladi. Bundesver tergov olib borayotganini tasdiqladi. Bloomberg agentligiga ko‘ra, Germaniya Rossiyani ikki harbiy bazada qo‘poruvchilik uyushtirganlikda gumon qilmoqda.
Aprel oyida Bavariyada Rossiya va Germaniya fuqaroligiga ega ikki kishi hibsga olingan edi. Ular portlovchi harakatlarga tayyorgarlik ko‘rish va Rossiya uchun josuslik qilishda gumon qilinmoqda.