"S7 Airlines" aviakompaniyasi Farg‘onadan Novosibirskka to‘g‘ridan-to‘g‘ri reyslarni yo‘lga qo‘ymoqda
!["S7 Airlines" aviakompaniyasi Farg‘onadan Novosibirskka to‘g‘ridan-to‘g‘ri reyslarni yo‘lga qo‘ymoqda "S7 Airlines" aviakompaniyasi Farg‘onadan Novosibirskka to‘g‘ridan-to‘g‘ri reyslarni yo‘lga qo‘ymoqda](/photos/news/xjOLSelNmhPaaBn.jpeg)
Rossiyaning "S7 Airlines" aviakompaniyasi Farg‘onadan Novosibirskka muntazam yo‘lovchi qatnovlarini yo‘lga qo‘yadi. Birinchi parvoz 2024 yil 19 sentyabrga belgilangan.
Novosibirsk — Farg‘ona — Novosibirsk yo‘nalishi bo‘yicha havo qatnovi Airbus A320 rusumli samolyotlarda haftasiga bir marta — dushanba kunlari amalga oshirilishi rejalashtirilgan.
Bugungi kunda aviatashuvchi Toshkent, Samarqand va Urganch xalqaro aeroportlariga parvozlarni muvaffaqiyatli amalga oshirmoqda.
"S7 Airlines"ning shtab-kvartirasi Rossiya Federasiyasining Novosibirsk shahrida joylashgan. Kompaniya 26 mamlakatning 180 dan ortiq shaharlarini parvozlar orqali qamrab olgan Rossiyaning eng yirik xususiy aviatashuvchisi hisoblanadi.