Oq uy Ukrainaga 125 million dollarlik yangi yordam paketini yuboradi

Amerikaning Associated Press axborot agentligi o‘z manbalariga tayanib xabar berishicha, AQSh prezidenti Jo Bayden ma’muriyati yaqin orada Ukrainaga 125 million dollarlik yangi harbiy yordam paketini jo‘natadi.

Agentlik ma’lumotlariga ko‘ra, paketga HIMARS ko‘p uchiruvchi raketa tizimlari uchun o‘q-dorilar, tankga qarshi turli raketalar, jumladan Javelin, dronlar va elektron urushlarga qarshi turish tizimlari, shuningdek, 155 va 105 millimetrli artilleriya snaryadlari kiradi.

Nashrda ta’kidlanganidek, Oq uy yangi paketni juma kuniyoq rasman e’lon qilishi mumkin.

Qurol-yarog‘lar Prezidentning cheklash boshqarmasi sxemasi bo‘yicha jo‘natiladi, ya’ni ular to‘g‘ridan-to‘g‘ri Pentagon omborlaridan tezda Ukrainaga yetkaziladi.

Associated Press agentligining hisob-kitoblariga ko‘ra, so‘nggi paket ma’qullangach, Rossiyaning keng ko‘lamli bosqinini boshlaganidan keyin Kiyevga ko‘rsatilgan Amerika harbiy yordamining umumiy miqdori 55,7 milliard dollarga etadi.