Maxsus komissiya qarori: O‘zbekistonda xalqaro ko‘rgazma va yarmarkalarni o‘tkazishga ruxsat berildi
Bunga Respublika maxsus komissiyasining qaroriga asosan, joriy yilning 20 fevralidan ruxsat berilmoqda.
Xalqaro ko‘rgazma va yarmarkalarni tashkil etishda qo‘yiladigan talablar:
🔹 tashkilotchi Respublika hududida sanitariya-epidemiologiya xizmati xodimlarini shartnoma asosida jalb qiladi. Tadbirlarning barcha bosqichlarida epidemiologik tartiblarga rioya etilishi ustidan nazoratni ta’minlashi shart;
🔹 barcha tadbir ishtirokchilaridan himoya niqobi yoki respirator taqishlari talab qilinadi;
🔹 tadbirga kirishda barcha ishtirokchilarning harorati o‘lchanadi. Yuqori harorat yoki yuqumli kasalliklar belgilari bo‘lgan shaxslarga tadbirda qatnashishga ruxsat berilmaydi;
🔹 ekspozisiyalar orasidagi masofa kengligi kamida 3 metr bo‘lishi kerak;
🔹 tadbir o‘tkazish joylarida shamollatish tizimlari kirayotgan havoning chiqayotganidan ustunligini ta’minlashi kerak.