Lavrov: Natija beradigan har qanday tashabbusni olqishlaymiz

Rossiya tashqi ishlar vaziri Sergey Lavrov Nyu-Yorkdagi BMT Bosh Assambleyasida AQSh prezidentligiga nomzod Donald Trampning Ukraina rahbari bilan uchrashuvidan keyin e’lon qilgan bayonotiga munosabat bildirdi.

– Tramp urushni 24 soatda to‘xtatishini aytgandi, endi boshqacha gapiryapti, degan RF tashqi siyosat idorasi yetakchisi. – Biz esa biror natijaga olib keladigan har qanday tashabbusni olqishlaymiz. Yagona masala – muammoni Ukraina inqirozining asosiy sababini bartaraf etish asosida hal qilish.