Isroil razvedkasi Hizbulloh iyerarxiyasini to‘liq ochib berish maqsadida yillar mobaynida terabaytlab tasvirlar yiqqan

Isroil razvedkasi Hizbulloh guruhining a’zolari, ularning joylashuvi va iyerarxiyasini to‘liq ochib berish maqsadida yillar mobaynida terabaytlab tasvirlar yiqqan — Financial Times.

Ma’lumotlar, xususan, guruh a’zolarining oila a’zolari telefonlaridan va hatto ovozlarni yozib oladigan zamonaviy televizorlarning masofadan boshqarish pultlaridan olingan.

Ammo katta ma’lumotlar oqimi Hizbullohning Suriyadagi urushda prezident Bashar al-Assad tomonida qatnashgan vaqtda olingan.

Nashr manbalarining aytishicha, Isroil o‘tgan yilning oktyabr oyida Hizbulloh yetakchisi Hasan Nasrullohni yo‘q qilishga tayyor bo‘lgan, biroq havoga ko‘tarilgan samolyotlar Qo‘shma Shtatlar talabiga binoan qaytarilgan.