Aksariyat tashkilotlarga 8 oyda 16 trln so‘m soliq imtiyozlari berilgan – DSQ
2024 yilning yanvar-avgust oylarida 138 661 ta tashkilot 16 trln so‘m miqdorda soliq imtiyozlaridan foydalangan. Bu haqda Davlat soliq qo‘mitasi axborot xizmati ma’lum qildi.
Shu bilan birga 2 927 ta korxona moliyaviy xizmatlar bo‘yicha 13,1 trln so‘mlik QQSsiz operasiyalar amalga oshirgan hamda 7 185 ta korxona 22,5 trln so‘m miqdorida QQS «nol» stavkasini qo‘llagan.
Soliq turlari kesimida foydalanilgan soliq imtiyoz summalari:
- QQS – 8 trln so‘m;
- foyda solig‘i – 2,3 trln so‘m;
- er solig‘i – 1,9 trln so‘m;
- ijtimoiy soliq – 1,9 trln so‘m;
- JSHODS – 884,7 mlrd so‘m;
- mol-mulk solig‘i – 801,6 mlrd so‘m;
- AOS – 139 mlrd so‘m;
- suv resurslaridan foydalanganlik uchun soliq – 19,9 mlrd so‘m.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)