Irlandiyada Putinning mashhur delfinning yo‘qolib qolishiga aloqadorligi ma’lum qilindi

Irlandiyalik senator Ned O’Sallivanning aytishicha, Kerri grafligidagi taniqli Fungi laqabli delfinning yo‘qolib qolishiga Rossiya va shaxsan Prezident Vladimir Putin aloqador.

Bu haqda “Irish Post” gazetasi xabar bermoqda.

Gazetaning xabar berishicha, shaharning ramzi bo‘lgan Fungi 3 oy oldin yo‘qolgan.

Taxmin qilinishicha, hayvon Rossiya harbiylari tomonidan Britaniya kemalarini kuzatishda foydalaniladigan gidrolokatorlar tufayli g‘oyib bo‘lgan.

Gazetaning yozishicha, ushbu tizimlar delfinlar harakatiga ta’sir qilishi va hatto ularga zarar yetkazishi mumkin.

«Bunga ruslar yoki Putin aralashgan bo‘lishi mumkin...”, dedi O’Sallivan.