Innovasion infratuzilma sub’ektlari soni 3 baravarga oshiriladi
“2022-2026 yillarda O‘zbekiston Respublikasining innovasion rivojlanish strategiyasini tasdiqlash to‘g‘risida”gi Prezident Farmoni qabul qilindi.
📋 Farmon bilan 2022-2026 yillarda O‘zbekiston Respublikasining innovasion rivojlanish strategiyasi tasdiqlandi.
✅ Kichik tadbirkorlikning innovasion faolligini oshirish orqali hududlarning ijtimoiy-iqtisodiy jadal o‘sishini ta’minlash Strategiyaning asosiy yo‘nalishlaridan biri hisoblanadi.
📊 Shuningdek, Farmonga muvofiq Strategiyani amalga oshirishning maqsadli ko‘rsatkichlari hamda hududlar kesimidagi maqsadli ko‘rsatkichlar tasdiqlandi.
🔰 Maqsadli ko‘rsatkichlar doirasida:
▫️innovasion faoliyat sub’ektlari soni 613 tadan 2 250 tagacha yetkaziladi;
▫️innovasion infratuzilma sub’ektlari soni 3 baravarga oshiriladi;
▫️innovasion tadbirkorlik natijasida yaratiladigan yangi ish o‘rinlari soni 4 baravarga oshiriladi.
🗓 2022 yil 1 avgustdan innovasion mahsulotlar ishlab chiqarishni tashkil etishda “tarmoq-hudud-ilmiy/oliy ta’lim tashkilot” zanjirining yaxlit tizimi joriy etiladi.
☑️ 2022 yil 1 avgustdan “tubdan yangilovchi” innovasiyalar yaratishni rag‘batlantirishning quyidagi tizimi joriy etiladi:
▫️mahalliy ilmiy tashkilotlar va korxonalarga innovasion tovarlar bo‘yicha davlat organlari bilan shartnomalarni to‘g‘ridan-to‘g‘ri imzolash huquqi beriladi;
▫️ustav fondida 50 va undan ko‘p foiz davlat ulushi bor xo‘jalik jamiyatlarida foyda solig‘ini to‘lagungacha uning 10 foizgacha ajratmalaridan Innovasion faoliyatni qo‘llab-quvvatlash jamg‘armasi tashkil etiladi. Bunda:
➖mablag‘lar “tubdan yangilovchi” innovasiyalarni yaratishga va joriy qilishga yo‘naltiriladi;
➖Jamg‘arma mablag‘lari hisobidan moliyalashtiriladigan loyihalar portfeli Innovasion rivojlanish vazirligi bilan kelishiladi.
