Futbol. O‘zbekiston terma jamoasining Qirg‘izistonga qarshi o‘rtoqlik o‘yini 25 dekabrga ko‘chirildi

Ayni paytda Birlashgan Arab Amirliklarida yig‘ini o‘tkazayotgan O‘zbekiston milliy jamoasi bugun Qirg‘izistonga qarshi o‘rtoqlik uchrashuvini o‘tkazishni rejalashtirgan edi.

"Futbolium" telegram kanali tarqatgan xabarga ko‘ra, mazkur o‘yin 25 dekabr sanasiga ko‘chirilgan. Ushbu bahs FIFA reytingiga ta’sir ko‘rsaytmaydi. Unda tomonlar istalgancha o‘yinchi almashtirish huquqidan foydalanishi mumkin.

Uchrashuv Dubay shahrida bo‘lib o‘tadi. O‘yin mahalliy vaqt bilan 19:30 (Toshkent vaqti bilan 20:30)da boshlanadi.