Fashist Isroil nishonga olgan Hizbulloh qo‘mondoni Ibrohim Aqil kim?
Bosqinchi Isroil Bayrutga uyushtirgan havo hujumida Hizbullohning yuqori qo‘mondonini nishonga oldi.
Qonxo‘r Isroil Livan poytaxti Bayrutning janubiy chekkasidagi turar-joy hududiga zarba berib, Hizbullohning yuqori martabali qo‘mondoni Ibrohim Aqilga suiqasd uyushtirdi.
Hizbulloh Aqil juma kuni o‘ldirilganini tasdiqladi.
Hizbullohning Radvan kuchlarining yuqori martabali rahbari, boshi uchun AQSh Davlat departamenti tomonidan 7 million dollar mukofot va’da qilingan Aqil, Isroil hujum qilib kamida ikkita binoni vayron qilgan vaqtda Hizbulloh va noma’lum Falastin guruhi o‘rtasidagi qo‘shma yig‘ilishda bo‘lgan.
Bu fashist Isroil ikki oydan kamroq vaqt ichida ikkinchi marta Bayrutdagi Hizbullohning yetakchi harbiy qo‘mondonini nishonga olgani bo‘ldi. Iyul oyida bosqinchi Isroilning havo hujumida guruhning oliy harbiy qo‘mondoni Fuad Shukr halok bo‘lgan edi.
Aqil 1980 yillarda Hizbullohga qo‘shilgan va Isroil harbiylariga ko‘ra, guruhning Livandan tashqaridagi hujumlari uchun javobgar bo‘lgan.
Hizbullohning aksariyat yuqori martabali harbiy amaldorlari singari, Aqil ham hech qanday omma oldida chiqishlar yoki bayonotlar bermagan, soyali shaxs bo‘lib kelgan.
AQSh rasmiylariga ko‘ra, Tahsin nomi bilan ham tanilgan Aqil Hizbullohning oliy harbiy organida xizmat qilgan.
U 1983 yilda 63 kishining o‘limiga sabab bo‘lgan AQShning Bayrutdagi elchixonasi va 241 nafar amerikalik xodimning o‘limiga sabab bo‘lgan AQSh dengiz piyodalari korpusining portlashlarida ishtirok etgani uchun AQShda qidiruvga berilgan edi.
Hujumlarni Aqil yuqori martabali a’zosi bo‘lgan, Hizbulloh bo‘limi hisoblangan Islomiy Jihod tashkiloti o‘z zimmasiga olgan.
AQSh rasmiylariga ko‘ra, Aqil 1980 yillarda amerikalik va nemis asirlarini olishga ham rahbarlik qilgan.
Radvan kuchlari Hizbullohning Isroil bilan chegaradosh janglarida oldingi safda turadi.
Isroilning Haaretz gazetasiga ko‘ra, Aqil seshanba kuni peyjerlar portlashi paytida yaralangan va juma kuni ertalab kasalxonadan chiqarilgan.
