Eron Ozarbayjon murojaatlariga e’tibor bermagan

Ozarbayjon Tehrondagi elchixonasi xavfsizlik choralarini kuchaytirishni bir necha bor talab qilgan, biroq Eron bu murojaatlarga e’tibor bermagan. Bu haqda Ozarbayjon tashqi ishlar vaziri o‘rinbosari Xalaf Xalafov ma’lum qildi.

29 yanvar kuni kechqurun Tehrondagi Ozarbayjon elchixonasi xodimlari chiqqan samolyot Bokuga qo‘ndi. 27 yanvar kuni respublika Tashqi ishlar vazirligi Tehrondagi mamlakat elchixonasiga qurolli hujum uyushtirilgani, oqibatda diplomatik missiyaning xavfsizlik bo‘limi boshlig‘i halok bo‘lgani va uning ikki hamkasbi yaralangani haqida xabar bergan edi.‌‌