Erini o‘ldirgan ayol o‘lim jazosidan qutulib qoldi

51 yoshli britaniyalik Samanta Jons Malayziyada erini o‘ldirgani uchun o‘lim jazosidan qutulib qoldi. Erkakning jasadi o‘z uyida topildi.

“Nation News” telekanali xabariga ko‘ra, politsiya voqea joyida 30 sm uzunlikdagi qonli pichoqni ham topgan.

Ta’kidlanishicha, ayolga osilish jazosi qo‘llanilishi kerak bo‘lgan, ammo sud tergov qotillik bexosdan sodir bo‘lgan deb hisoblaganidan so‘ng, o‘z qarorini o‘zgartirgan.

Shu sababli, o‘z aybini tan olgan Samanta Jons uch yarim yillik qamoq jazosiga hukm qilingan.