EIning Rossiyaga qarshi sanksiyalarining 14-paketi KXDRdan harbiy texnika tashuvchi kemalarni o‘z ichiga olishi mumkin

Evrokomissiya Rossiyaga Shimoliy Koreya harbiy texnikasini yetkazib berayotgan kemalarga, shuningdek, G7 mamlakatlari tomonidan belgilangan Rossiya neftiga narx chegarasini buzgan tankerlarga nisbatan sanksiyalar joriy etishni taklif qilishi kutilmoqda, deya xabar bermoqda Reuters agentligi YEI rahbariyatidagi manbalarga tayanib.

Komissiya Ukrainaga keng ko‘lamli bostirib kirishi sababli Moskvaga qarshi joriy qilingan 14-sanksiya paketi ustida ishlashni davom ettirmoqda.

Reuters ta’kidlaganidek, yangi sanksiyalar ro‘yxatiga 40 ta kompaniya kiritilishi rejalashtirilgan.

Ular orasida harbiy ehtiyojlar uchun asbob-uskunalar sotib oluvchi Rossiya kompaniyalari, shuningdek, Rossiyaga elektronika, yarimo‘tkazgichlar va harbiy mikrosxemalarni yetkazib beruvchi uchinchi davlat kompaniyalari bor.