"Dadam sudlangan, ichki ishlar organlariga ishga kirishim mumkinmi?"

— Dadam Jinoyat kodeksining 97-moddasi bilan sudlangan, ichki ishlar organlariga ishga kirishim mumkinmi? (F.K Farg‘ona viloyati, Qo‘qon shahri)

Ichki ishlar organlari to‘g‘risidagi Qonunda quyidagilarning ichki ishlar organlariga xizmatga qabul qilish mumkin emasligi ko‘rsatilgan:

belgilangan tartibda muomalaga layoqatsiz yoki muomala layoqati cheklangan deb topilgan fuqarolar;

sudlanganlik holati tugallanmagan yoki sudlanganligi olib tashlanmagan fuqarolar; 

ichki ishlar organlarida xizmatni o‘tashga to‘sqinlik qiladigan kasalligi yoki jismoniy nuqsonlari bo‘lgan fuqarolar.

Demak, yaqin qarindoshining sudlanganligi ichki ishlar organlariga xizmatga kirishda to‘sqinlik qilmaydi.