Buyuk Britaniya Turkiyani ro‘yxatdan chiqarib tashladi. Sababi koronavirus

Buyuk Britaniya Turkiyani koronavirus bo‘yicha xavfsiz mamlakatlar ro‘yxatidan chiqarib tashladi. Endi Turkiyadan qaytib kelgan sayyohlar ikki haftani karantinda o‘tkazishlari shart.

Ushbu mamlakatning koronavirus uchun xavfsiz ro‘yxatidan chiqarilishi, Ispaniya va Gresiyada bo‘lgani kabi to‘satdan sodir bo‘ldi. Endi Turkiyada dam olayotganlar va 3 oktyabrda  Buyuk Britaniyaga qaytib keladiganlar ikki hafta karantinda bo‘lishi kerak.

«So‘nggi ma’lumotlarga ko‘ra, bu hafta biz Turkiya, Polsha, Bonayra, Avliyo Eustatius va Saba’ni #TravelCorridor ro‘yxatidan chiqarib tashlashimiz kerak. Agar siz ushbu joylardan 3 oktyabr soat 04:00 dan boshlab kelsangiz, o‘zingizni izolyasiya qilishingiz kerak bo‘ladi», — deydi transport bo‘yicha davlat kotibi Grant Shapps.

Agar sayyohlar bundan voz kechsalar, ularga 10 ming funt sterlinggacha (deyarli 13 ming dollar) jarima solinadi.