Buxoroda ikkita qishloq aholisi o‘rtasida ommaviy mushtlashuv sodir bo‘ldi (VIDEO)

5 fevral kuni Buxoro viloyati Jondor tumanida futbol o‘yini ommaviy janjalga aylanib ketgani aytilmoqda.

Jondor tuman hokimligi bu borada ma’lumot berdi.

"Mazkur holat joriy yilning 5 fevral kuni Moxon qishlog‘ida Nurafshon hamda Tobagar qishloqlari aholisi o‘rtasida futbol musobaqasi vaqtida sodir bo‘lgan. Ayni paytda ushbu holatga aniqlik kiritish maqsadida Jondor tuman IIB boshlig‘i, tuman hokimining o‘rinbosarlari hamda mahalla fuqarolari ishtirokida yig‘ilish o‘tkazilmoqda. Mazkur holatga aniqlik kiritilgandan keyin qo‘shimcha munosabat bildirilishini ma’lum qilamiz", deyiladi munosabatda.