Belarusda “O‘zbek kinosi kunlari” o‘tkazildi

Belarus Respublikasining Minsk shahrida 10-12 sentyabr sanasida ilk bor “O‘zbek kinosi kunlari” o‘tkazildi.

10 sentyabr kuni Kinematografiya agentligi buyurtmasiga binoan "Ezgu film" kinostudiyasi tomonidan suratga olingan kinorejissyor Jahongir Ahmedovning “Ilhaq” tarixiy badiiy filmi, 11 sentyabr kuni “Islomxo‘ja” tarixiy badiiy filmi namoyish etildi.

12 sentyabrda esa O‘zbekiston xalq artisti, rejissyor Shuhrat Abbasovning “Sen yetim emassan” badiiy filmi namoyish etildi. Qo‘shni davlat kino muxlislari tomonidan o‘zbek filmlari iliq kutib olindi.