Bayrutda yana bir portlash yuz berdi, 4 kishi halok bo‘ldi
Bayrutning g‘arbiy qismida, Tariq al-Jadid tumanida 9 oktyabr oqshomida neft mahsulotlari saqlanadigan idish portladi.
Dastlab, ikki kishi halok bo‘lganligi va bir necha o‘nlab odamlar yaralangani haqida xabar berilgan edi. Bir nechta binolarga zarar yetgan va evakuasiya ishlari olib borilgan. Jabrlanganlarga Livandagi Qizil Xoch tashkiloti shifokorlari yordam berdi. Uning rahbari Jorj Kittanning so‘zlariga ko‘ra, yaradorlar poytaxtdagi turli kasalxonalarga yotqizilgan.
Keyinroq qurbonlar soni to‘rttaga yetdi. Bundan tashqari, portlash qurbonlari orasida bolalar ham bor. Qizil Xoch ham to‘rt kishi halok bo‘lganligini xabar qildi. Naharnet agentligining xabar berishicha, avval portlashda 20 dan ortiq kishi ishtirok etgan.
Portlash kuchli yong‘inga olib keldi. Ma’lumotlarga ko‘ra, portlagan idishda mazut emas, balki benzin bo‘lgan. Huquqni muhofaza qilish idoralari yoqilg‘i egasini allaqachon hibsga olgan, u benzinni o‘z ehtiyojlari uchun saqlaganini aytgan, deb xabar beradi telekanal.
Eslati o‘tamiz, 4 avgust kuni Beyrut portida kuchli portlash yuz bergandi, 190 kishi halok bo‘ldi va 6,5 ming kishi jarohat oldi. 2750 tonna ammiakli selitra portladi - portda bir necha yil musodara qilingan o‘g‘itlar saqlangan. Portlash shahar bo‘ylab vayronagarchilikni keltirib chiqardi va portga tutash hududni deyarli butunlay yo‘q qildi. Yetkazilgan zarar miqdori 15 milliard dollardan oshiqroq deb baholandi, kamida 300 ming kishi boshpanasiz qoldi.
