«Ana shunday imom qani, ana shunday podshoh qani?»
Misr podshohi Abu Mansur Tegin mashhur hanafiy olimi Imom at-Tahoviy rohimahullohning xonadonlariga tashrif buyurgan ekan.
"Men Sizga qizimni bermoqchiman", debdi podshoh. U zot qabul qilmabdilar.
"Molga ehtiyojingiz bormi?" deb surabdi. Imom at-Tahoviy rohimahullox mol-dunyoga ehtiyoji yo‘qligini aytibdi. Podshoh: "Sizga yer-mulk iqto’ qilib beraylikmi?, debdi. U zot qabul qilmabdilar. Shunda podshoh: "Mendan xohlagan narsangizni so‘rang", debdi.
Imom at-Tahoviy rohimahulloh: "Bir gap aytsam, eshitasizmi? Gaplarimga quloq solasizmi?" debdilar. Podshoh u zotning gaplarini tinglashni va quloq solishini aytibdi. Imom at-Tahoviy rohimahulloh: "Diningizni saqlang, din-diyonatni asrang! Toki, yurtingizni tashlab qochib ketmaysiz. O‘limdan oldin joningizni do‘zaxdan qutqarish uchun xayrli ishlarni qiling. Odamlarning dod-faryodidan saqlaning, zulm-sitamdan uzoq buling!" deb maslahat beribdi. Abu Mansur Tegin shundan so‘ng Misr aholisiga biror marta zulm qilmagan ekan.
Ana shunday imom qani, ana shunday podshoh qani!?
Hamidulloh Beruniy
Manba: azon.uz