Мбаппе юзда ниқоб билан ўйнашига муносабат билдирди: “Бу—даҳшат”

Франция терма жамоаси ҳужумчиси ва сардори Килиан Мбаппе Евро—2024 да ниқобда ўйнаш ҳақидаги фикрлари билан ўртоқлашди.

“Ниқоб билан ўйнаш жуда даҳшатли. Мен ниқобни алмаштирдим, чунки ҳар сафар ноқулайлик туғдирди. Ниқобда ўйнаш қийин, чунки у кўришни чеклайди, шунингдек, тер ва намлик ҳам ниқоб ичида тўпланади ва ҳар сафар бундан қутулиш учун ниқобни ечиш керак. Бу 3D принтерида ишлаб чиқарилганга ўхшайди.

Ниқоб учун раҳмат. Аммо уни ечиш эҳтимоли бўлиши билан, мен буни амалга ошираман”, — дея Мбаппенинг сўзларини келтиради RMC Sport.

Эслатиб ўтамиз, бурни синган Мбаппе Бельгия терма жамоаси билан бугун, 1 июль куни соат 21:00 да бошланадиган Евро—2024 1/8 финал учрашуви арафасида ҳимоя ниқобини алмаштирган эди.